Eucaristía e ofrenda á Nosa Señora dos Remedios, patroa diocesana

A cidade de Ferrol será a que este ano leve a cabo a ofrenda á patroa da diocese, a Virxe dos Remedios, o vindeiro 10 de setembro, domingo, no santuario mindoniense dos Remedios.

A cerimonia estará presidida polo bispo diocesano, monseñor Fernando García Cadiñanos, quen, coa súa homilía, dará resposta á tradicional ofrenda por parte dos antigos partidos xudiciais no territorio diocesano (Mondoñedo, Ferrol, Ortigueira, Viveiro, Vilalba e Ribadeo). Nesta ocasión será pronunciada polo alcalde de Ferrol, José Manuel Rey Varela. A presentación da Ofrenda

A continuación desenvolverase a procesión e un espectáculo de baile e música tradicional na alameda e na Praza do Concello.

Planning oficial da xornada:

· 11:30 horas: Saída das autoridades dende a Casa do Concello cara o Santuario da Virxe dos Remedios, acompañados pola banda ferrolá ACOTAGA.

· 12:00 horas: Misa Solemne presidida polo bispo diocesano e Ofrenda á Virxe dos Remedios presentada polo alcalde de Ferrol. A misa será cantada polo Coro Mestre Pacheco.

· 13:00 horas: Saída da procesión coa imaxe da patroa e acompañada pola Banda ACOTAGA de Ferrol.