Mondoñedo-Ferrol reza polas vítimas da traxedia ferroviaria de Urda

• A diocese mostra a súa proximidade ás familias dos finados e á Igrexa de Toledo tras o choque de dous trens de alta velocidade

A Diocese de Mondoñedo-Ferrol uniuse este mércores ás mostras de condolencia e apoio pola traxedia ferroviaria acontecida en Urda (Toledo), onde a colisión de dous trens de alta velocidade deixou, segundo o último balance, polo menos 68 persoas falecidas e máis de 180 feridas.

A través das súas canles oficiais, a diocese expresou a súa unión en oración coas familias das vítimas e coas persoas afectadas polo accidente. “Rezamos polos finados, para que o Señor os acolla na súa paz, e polos feridos, para que recobren axiña a saúde”, sinalou, que tamén quixo trasladar a súa cercanía á Igrexa irmá da Arquidiocese de Toledo.

O bispo de Mondoñedo-Ferrol, monseñor Fernando García Cadiñanos, dirixiu unha mensaxe aos fieis na que invita a elevar a oración a Deus “no medio do dor e da cercanía ás vítimas e as familias” do accidente. O prelado pide que o Señor consuele “nos nosos medos e interrogantes” e abra o camiño á esperanza.

Ademais, monseñor García Cadiñanos convida a ofrecer a misa celebrada este xoves por todas as vítimas da catástrofe.

A Conferencia Episcopal Española tamén trasladou as súas condolencias ás familias das vítimas e uniuse ao dor das persoas afectadas polo siniestro. Na súa nota de prensa, o episcopado pide oración nas celebracións das comunidades cristiás polos falecidos e pola recuperación dos feridos, e encomenda igualmente a quen traballa nas labores de emerxencia e acompañamento.

 

Ver esta publicación en Instagram

 

Una publicación compartida de Diócesis de Mondoñedo-Ferrol (@mondonedoferrol)

Portada: Cadena SER