Nomeamentos diocesanos: Comisariado na Confraría da Soidade de Ferrol

Con data 29 de xuño de 2024, o Sr. Bispo da Diocese de Mondoñedo-Ferrol, monseñor Fernando García Cadiñanos, nomeou como comisarios solidarios da Confraría da Santísima Virxe da Soidade de Ferrol ao Rvdo. D. Cándido Jesús Otero López, delegado diocesano de Liturxia e Confrarías, e a D. José Evia Gende, irmán maior en funcións.

O nomeamento foi consecuencia da visita formal realizada á confraría en días anteriores ao observar que “non se cumpriron nas eleccións algúns requisitos de validez establecidos polos estatutos da confraría”, como o que se dispón no artigo 26 e outras cuestións referidas ao censo. O comisariado, que “non pon en cuestión o labor desta confraría nin o desempeño xeneral da súa Xunta de Goberno”, e que non ten fixada unha temporalidade, ten o mandato de realizar un labor de “revisión interna que ha de facerse antes de que poida convocarse de novo un proceso electoral coas debidas garantías e dacordo co establecido nos estatutos”.