Rematados os traballos na torre da igrexa de Vilanova de Lourenzá

A instalación de estadas na fachada da igrexa parroquial de Santa María de Vilanova de Lourenzá (para a execución dos traballos de restauración acometidos hai uns meses pola Consellería de Cultura) permitiu observar unha importante deterioración da cruz de ferro que remata o corpo superior da torre da igrexa.

Dada a altura á que se acha este elemento, uns 35 metros, contratouse unha auto-guindastre con cesta para poder ser observada polos servizos técnicos do bispado, concluíndo que existía un risco certo de caída da cruz, que presentaba un nivel de oxidación extremo, e tamén de desprendemento de pedazos do remate de pedra. Por iso procedeuse nun primer momento á retirada urxente da devandita peza. Nun segundo momento, baixo a dirección facultativa de José María Alonso e coa preceptiva autorización da Dirección Xeral de Patrimonio, procedeuse á reprodución exacta dos elementos pétreos e metálicos do remate de imposible recuperación e á súa colocación. Ademais, aproveitouse a intervención para a reparación e posta en funcionamento do pararraios, así como para realizar unha limpeza e recintado de xuntas dos perpiaños da cúpula da torre.

As actuacións levadas a cabo supuxeron un importe de 33.370,99 euros, asumidos integramente polo bispado de Mondoñedo-Ferrol.