A diocese abre o período de reserva da edición personalizada do "Evanxeo 2024"

Monseñor José Cobo Cano, bispo auxiliar de Madrid, asina os comentarios e oracións do Evanxeo 2024. Camiño, verdade e vida, editado por San Pablo. A presente edición, cun deseño que facilita a lexibilidade e manexabilidade, incorpora os textos litúrxicos oficiais na súa versión castelá aprobados pola Conferencia Episcopal Española e con recognitio da Santa Sé, e permite un rápido acceso a toda a información litúrxica diaria.

O Evanxeo 2024 é unha ferramenta de difusión e divulgación da palabra de Deus que a pon ao dispor do público e a fai facilmente alcanzable a todas as persoas, mesmo non cristiás. É un complemento perfecto para quen non pode asistir á eucaristía diaria pero quere seguir a liturxia, ou para quen desexe preparala e vivila máis consciente e intensamente; e tamén un instrumento válido para a oración e a meditación persoal ou en grupo.

Evanxeo 2024. Camiño, verdade e vida – Ciclo B presenta o texto evanxélico do día, un titular que axuda a centrar a mensaxe de cada día, un comentario ao texto evanxélico e unha sinxela oración. Os domingos incorporan todas as lecturas e a antífona do salmo responsorial. A páxina compleméntase co tempo litúrxico, a semana do salterio para a Liturxia das Horas, a abreviatura das lecturas do día, a memoria litúrxica, o santoral, a xornada conmemorativa para determinados días do ano e a cor dos ornamentos litúrxicos. O evanxeo inclúe, ademais, un calendario litúrxico de cada mes, un índice alfabético e onomástico dos principais santos, beatos e advocacións marianas coa súa data de celebración, un compendio das oracións do cristián, algúns himnos e salmos, o exame de conciencia do papa Francisco, e o Ordinario da misa.

Podes descargar aquí a presentación

Edición personalizada para a diocese

Como cada ano, a vigairía de Evanxelización pon ao dispor de toda a comunidade diocesana os exemplares do Evanxeo 2024. Camiño, verdade e vida – Ciclo B, personalizado para a diocese, de novo coa opción de elixir entre dous tamaños de letra (pequena e grande) e a un prezo especial, sensiblemente rebaixado do oficial.

Prezo por exemplar: Letra pequena (1,27 euros) – Letra grande (3,60 euros).

O pedido pode formalizarse a través do teléfono (981 353 295), mensaxe de WhatsApp (689 74 86 79) e correo electrónico (mcs@mondonedoferrol.org), antes do martes 31 de outubro de 2023.

Podes descargar aquí a folla de pedido