Corresponsabilidade e liderado pastoral na túa parroquia

Contaxiar a beleza do evanxeo nun tempo e lugar concretos é sempre un reto apaixonante. Hoxe sabémolo con claridade: para conseguilo, necesitamos a colaboración de todo o pobo de Deus.

Son xa moitas as persoas que contribúen a múltiples e diversas tarefas eclesiais, cada unha segundo a fe e os dons que Deus lle deu. Todos son necesarios. Pero hoxe, como sempre, fannos falta líderes inspiradores, mulleres e homes con corazón pastoral, capaces de identificar e desenvolver os numerosos carismas que existen en cada comunidade, a maioría deles aínda por descubrir.

“Discípulos agradecidos” quere axudar a conseguir comunidades cunha identidade forte, cuxos membros sentan corresponsables na tarefa evanxelizadora da Igrexa e por iso estean dispostos a contribuír cos medios necesarios para o desenvolvemento desa misión.

Naquelas parroquias, movementos e demais organizacións eclesiais nas que exista un arraigado sentimento de pertenza, non vai faltar nunca capacidade para soster actividades e desenvolver outras novas, grazas ao traballo voluntario, a oración e o apoio económico de quen sinta como súas.

Que ofrece “Discípulos agradecidos?:

· Formación para o clero, axentes de pastoral e voluntarios: Queremos axudar a que as parroquias do século XXI se convertan en verdadeiras comunidades de discípulos misioneiros. Pode descender o número de membros, pero tamén pode aumentar o sentido de pertenza e o compromiso nun “núcleo duro”.

· Materiais, recursos audiovisuais e boas prácticas: Con frecuencia, moitas tarefas da Igrexa recaen nunhas poucas persoas. Falta tempo para chegar a todo. Por iso, este espazo quere compartir materiais, recursos audiovisuais e boas prácticas, facilitando así o traballo nas parroquias.

· Unha plataforma onde conectar con outros discípulos agradecidos: Hai xa moitos sacerdotes, relixiosas, relixiosos, axentes de pastoral e voluntarios impulsando a corresponsabilidade nas súas comunidades. Queremos tecer unha rede e conformar unha gran comunidade virtual de seguidores agradecidos de Xesús.

Máis información en discipulosagradecidos.com

Curso en liña sobre corresponsabilidade parroquial

O curso está dirixido a calquera sacerdote, relixioso/a, laico/a, axente de pastoral, colaborador… que queira impulsar na súa parroquia ou comunidade a corresponsabilidade como forma de vida, potenciando o compromiso dos fieis. Total tempo de dedicación
estimado: un mínimo de tres horas mensuais, de setembro do 2023 a xuño de 2024. Modalidade en liña.

Entre os seus obxectivos principais podemos destacar o de contribuír a que as parroquias impulsen a corresponsabilidade co enfoque adecuado (non só económico, ou puntual, ou cunha visión reductiva). Pretendemos mostrar que pequenos pasos pódense ir dando e ofrecer recursos para formar aos axentes que poden impulsar e inspirar esta nova mentalidade.

Descarga o díptico informativo

Premios “Igrexa Sostible”

Con motivo das Xornadas de traballo coas comisións diocesanas para o sostemento da Igrexa, o Secretariado para o Sostemento da Igrexa da Conferencia Episcopal Española outorgará anualmente os Premios Igrexa Sostible. Estes galardóns pretenden recoñecer o labor meritorio de todas aquelas entidades da Igrexa que se distinguiron pola súa corresponsabilidade no desenvolvemento da súa misión. Concederanse nas seguintes categorías: Diocese, Parroquias, Outras entidades.

Descarga o díptico informativo

A diocese, presente nas Xornadas nacionais de Sostemento

O secretariado para o Sostemento da Igrexa organizou en Madrid as II Xornadas de traballo coas comisións diocesanas para o sostemento da Igrexa. Nelas puideron participar dous representantes de Mondoñedo-Ferrol, Paula Castro e Carlos Alonso. Durante os días 18 e 19 de maio analizáronse os distintos avances en materia de corresponsabilidade que se están dando nas dioceses españolas e presentáronse algunhas ferramentas para o traballo coas parroquias.

??? Foto de familia de las comisiones de las diócesis de #Galicia para el #Sostenimiento de la lglesia, participantes en las II Jornadas de Trabajo que se están celebrando en #Madrid @Xtantos ⛪️ pic.twitter.com/JMIDqd4kQE

— Diócesis de Mondoñedo-Ferrol (@mondonedoferrol) May 18, 2023