“El Espejo” (12.12.2025): Acolitado de Andrés Segura + Programación de Nadal das Cáritas da nosa diocese

Programa «El Espejo de Mondoñedo-Ferrol» do venres 28 de novembro de 2025. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Andrés Segura, seminarista de Mondoñedo-Ferrol

Este sábado 13 na parroquia de San Pedro de Ferrol recibirá o ministerio do acolitado o seminarista Andrés Segura González, que xa recibira o do lectorado a principios de ano na parroquia de San Pedro de Riotorto. Andrés ten 38 anos e é de Colombia. Sempre moi vinculado á tarefa de Cáritas, quixemos preguntarlle que significa para el este ministerio e que nos contase que está a supoñer persoalmente esta etapa pastoral.

Entrevista: Juani Álvarez, Misionera de Acción Parroquial en Vilalba

Fai seis anos chegou a Vilalba a comunidade de Misioneiras da Acción Parroquial, unha congregación de vida apostólica que naceu en Carbonero el Mayor (Segovia) en 1942. O seu compromiso misioneiro é moi variado, tanto desde a axuda directa no ministerio, como na tarefa educativa, benéfica ou asistencial. O vindeiro 21 de decembro, Juani, unha das irmás que está en Vilalba, xunto co grupo de Cáritas de Vilalba, convídannos a participar nunha caseta solidaria na Feira do Capón, onde haberá venda de artesanía, produtos de Nadal e venda de tenda Moda-Re. Tamén falará das súas impresións sobre a visita pastoral do bispo Fernando ao arciprestado de Terra Chá.

Entrevista: Tery Lago, membro do Coro Parroquial de Piñeiros (Narón)

Nesta semana acabamos de ter un concerto solidario de Nadal en favor de Cáritas no Conservatorio Xan Viaño de Ferrol, e en vindeiras datas haberá outros moitos eventos de Nadal en colaboración coas diferentes Cáritas parroquiais da diocese. Con este motivo temos con nós hoxe a Tery Lago, unha das representantes do Coro Parroquial de Piñeiros, que se unirá á Rondalla Añoranzas e á Coral Areosa (ambas as formación con máis de 40 anos de historia facendo música) para desenvolver un festival de panxoliñas na igrexa da Nosa Señora dos Desamparados de Piñeiros, tamén o domingo día 21.

Para pensar: “Los pájaros y el árbol” 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de decembro encárganse a comunidade relixiosa das Misioneras Apostólicas de la Caridad de Ferrol.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación