“El Espejo” (14.06.2024): Entrevista ao novo vigairo xeral + Xornada Diocesana de Pastoral Penitenciaria + Romaría de O Corpiño

Programa «El Espejo de Mondoñedo-Ferrol» do venres 14 de xuño de 2024. Magacine semanal de actualidade diocesana, dirixido e presentado por Baruk Domínguez a través de COPE Ferrol e COPE de la Costa-Ribadeo.

Entrevista: Gonzalo Varela, novo vigairxo xeral da diocese

Foi sen dúbida unha das noticias da semana. O nomeamento do novo vigairo xeral diocesano, Gonzalo Varela, que sustitúe no cargo a Antonio Valín, bispo electo da diocese Tui-Vigo. Con el falamos de como recibiu a noticia, explicaranos en que vai a consistir o seu labor durante os cinco vindeiros anos e que obxectivos manexa para esta nova etapa que agora comeza.

Entrevista: Mons. Alfonso Carrasco, bispo de Lugo

O vindeiro 19 de xuño os sacerdotes das cinco dioceses galegas ordenados dende o ano 2000 están convidados a compartir unha xornada de festa con motivo da celebración do Ano Xubilar no Santuario de Nosa Señora de O Corpiño. Co bispo de Lugo, monseñor Alfonso Carrasco, falamos do significado deste encontro sacerdotal para gañar o Xubileo.

Entrevista: Nieves Espiñeira, delegad de Pastoral Penitenciaria

A parroquia ferrolá de San Paulo de Catabois acollerá o vindeiro 22 de xuño a 1ª Xornada Diocesana de Pastoral Penitenciaria, baixo o lema «Tratade aos presos como si vós mesmos estiverdes presos con eles (HB 13,3). Hoxe falamos coa delegada diocesana de Pastoral Penitenciaria, Nieves Espiñeira, para coñecer como se está levando a cabo a organización e cales serán os puntos fortes desta convocatoria.

Para pensar: «Viva o feminismo, pero non o de cartón!»

A sección «Para pensar» é unha reflexión semanal que prepara cada mes unha comunidade relixiosa da nosa diocese. Durante este mes de xuño encárgase o equipo da delegación diocesana de Pastoral Xuvenil.

Horizontes desde Loiba

Co sacerdote Javier Martínez resumímosvos, dun xeito máis más pausado, todo o que foi noticia durante a semana en Mondoñedo-Ferrol.