“El Espejo” (21.11.2025): Nadal en Manos Unidas + Xubileu da Infancia e a Familia + Como se sostén a nosa parroquia?

Programa «El Espejo de Mondoñedo-Ferrol» do venres 21 de novembro de 2025. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Remedios Rey, delegada diocesana de Manos Unidas

Desde onte podemos visitar o Rastrillo de Nadal de Manos Unidas de Mondoñedo-Ferrol na rúa Magdalena 48 de Ferrol. Coa delegada desta ONG da Igrexa, Remedios Rey, falaremos dos proxectos solidarios que se manteñen activos (mellora enerxética dun orfanato no Líbano e outro facilitando o abastecemento de auga potable para 750 familias na rexión de Mumeno en Mozambique), do incremento no número de socios ou da posta en marcha do equipo comarcal de Valdoviño.

Entrevista: Mar Sarmentero, delegada de Laicos, Familia e Vida

A diocese celebrará este domingo o Xubileu da Infancia e a Familia cun encontro simultáneo no Colexio Tirso de Molina de Ferrol e no Seminario de Mondoñedo. Unha xornada de encontro para nenos, adolescentes, familias e catequistas. Preguntamos á delegada de Laicos, Familia e Vida, Mar Sarmentero, unha achega do tema de traballo fundamental desta xornada, “a cultura do encontro” e de como se desenvolverá.

Entrevista: Paula Castro, Comisión para o Sostemento da Igrexa

No ano 2022 a diocese creaba a Comisión para o Sostemento da Igrexa, un órgano que busca sensibilizar á comunidade cristiá na nosa corresponsabilidade nas parroquias. Está composta por cinco membros, que desde entón levaron a cabo tarefas de divulgación e toma de conciencia que pasan por actividades como a Liña 105, campañas de subscrición parroquial, encontros diocesanos de consellos de economía, información acerca da dedución na declaración da renda, etc. Para presentarnos estas accións tivemos connosco a Paula Castro, membro desta comisión.

Para pensar: “Los muebles del sabio y del turista” 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de novembro encárganse a comunidade relixiosa das Misioneras de Acción Parroquial de Vilalba.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación