“El Espejo” (23.01.2026): Voluntariado novo de Cáritas + Life Teen, Alpha e grupo de amizade da comunidad latina

Programa «El Espejo de Mondoñedo-Ferrol» do venres 23 de xaneiro de 2026. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Jose María Bocanegra, voluntariado novo de Cáritas Diocesana

Hoxe achegámonos a Cáritas de Mondoñedo-Ferrol, e facémolo na parte que ten que ver co voluntariado novo e co traballo cos adolescentes. O voluntariado de mozas e mozos, un grupo que crece, aprende e constrúe en comunidade, forma o grupo “Xermolar”. Para falarnos deste grupo e das súas actividades, temos hoxe connosco a un dos responsables en Cáritas deste voluntariado José María Bocanegra.

Entrevista: Víctor Restrepo, Victor Restrepo, coordinador Entrenamiento Alpha, Life Teen e Grupo latino UPA Ferrol-Centro

O pasado sábado tivo lugar en Santiago de Compostela un adestramento para iniciarse ás sesións Alpha, coa participación de dez persoas da nosa diocese. Alpha é unha serie de sesións que exploran a fe cristiá e crean un punto de encontro aberto a todos para formularse preguntas e compartir unha acollida comunitaria. Ao mesmo tempo, este mes presentábase na diocese o arranque das catequeses Life Teen, unha metodoloxía internacional de encontros quincenais para adolescentes e mozos entre os 12 e 17 anos, para descubrir a fe nun ambiente de comunidade, diversión e crecemento persoal. Xunto a todo iso, apareceu tamén en Ferrol un grupo impulsado pola UPA Ferrol-Centro de amizade e encontro para a comunidade latina. Para falarnos de todo iso, hoxe convidamos ao sacerdote da UPA Ferrol-Centro, Víctor Restrepo, que está a apoiar estas plataformas de encontro, acollida, primeiro anuncio e nova evanxelización.

Para pensar: “La vidriera de los mil colores” 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de xaneiro encárganse a comunidade relixiosa das Mercedarias de Ferrol.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación