“El Espejo” (24.11.2023): Proyecto solidario de Manos Unidas + Peregrinación a Liébana + Xornada Infancia e Familia

Programa «El Espejo de Mondoñedo-Ferrol» do venres 24 denovembro de 2023. Magacine semanal de actualidade diocesana, dirixido e presentado por Baruk Domínguez a través de COPE Ferrol e COPE de la Costa-Ribadeo.

Entrevista: Gela Losada, presidenta de Manos Unidas de Mondoñedo-Ferrol

Coas datas do Nadal ao virar a esquina, ao longo e ancho de toda as dioceses comezan a programarse actos festivos e de carácter solidario. Para falar da inauguración do Rastillo de Nadal de Mans Unidas en Ferrol e do seu novo proxecto solidario en Nicaragua, hoxe acompáñanos Gela Losada, presidenta de Mans Unidas de Mondoñedo-Ferrol.

Entrevista: Chema Pérez, delegado de Peregrinacións e Santuarios

Outro dos asuntos de actualidade é a próxima peregrinación diocesana a Santo Toribio de Liébana, en Santander, en febreiro 2024, con motivo do Ano Xubilar Lebaniego. Está organizada pola delegación de Peregrinacións, santuarios e Camiño de Santiago. A pesar de que aínda queda moi afastada no tempo a inscrición deberá realizarse antes do 11 de decembro. Da man do delegado de Peregrinacións, Chema Pérez, coñeceremos con detalle o plan de viaxe e o sentido cristián da peregrinación.

Entrevista: Patricia Filgueira, técnica de Cáritas Mondoñedo-Ferrol

Foz e Ferrol acollerán simultaneamente este domingo a I Xornada Diocesana da Infancia e da Familia. Desenvolverase nos colexio O Pilar de Foz e Sagrado Corazón das MM. Mercedarias de Ferrol, baixo o lema “Dereito a un lecer e tempo libre saudables”. Cunha das súas responsables, a técnica de Cáritas Mondoñedo-Ferrol, Patricia Filgueira, falamos do significado desta xornada e a implicación que mantén a diocese neste ámbito coa posta en marcha da Mesa da Infancia e a Familia.

Para pensar: «La rosa y el sapo»

A sección «Para pensar» é unha reflexión semanal que prepara cada mes unha comunidade relixiosa da nosa diocese. Durante este mes de novembro acompáñannos membros do instituto secular das Misioneras Apostólicas de la Caridad.

Horizontes desde Loiba

Co sacerdote Javier Martínez resumímosvos, dun xeito máis más pausado, todo o que foi noticia durante a semana en Mondoñedo-Ferrol.