Emotiva homenaxe na despedida do sacerdote Avelino González de A Pontenova

O pasado sábado, 8 de xuño, celebrouse unha eucaristía de despedida ao sacerdote diocesano Rvdo. Avelino González Loureiro, en agradecemento tras nove anos de servizo ministerial na parroquia do Sagrado Corazón da Pontenova.

A celebración estivo presidida polo bispo da diocese, monseñor Fernando García Cadiñanos, e concelebrada polos sacerdotes Rvdo. Avelino González Loureiro, Rvdo. Carlos Miranda Trevín, Rvdo. José Boullosa Canda, Rvdo. José Pascual Duque Ochoa y Rvdo. Ignacio Díaz Veiga.

Agradecendo estes nove anos de servizo pastoral nas comunidades do concello, don Avelino recibiu unha praca conmemorativa por parte do alcalde de A Pontenova, Darío Campos.

Pola súa parte, o bispo diocesano quixo agradecer a dispoñibilidade e entrega de don Avelino durante tantos e tantos anos. E presentou ao novo párroco, o Rvdo. José Pascual Duque, animando á comunidade a colaborar con el na súa actividade pastoral en todas as parroquias que atende.