Manos Unidas presenta a súa Memoria 2022: A nosa indiferenza condénaos ao esquecemento

Co lanzamento da Memoria 2022, a ONG da Igrexa católica, Manos Unidas, presenta os resultados do labor realizado no ámbito da cooperación ao desenvolvemento e a sensibilización.

Durante 2022 traballou contra vento e marea para facer fronte á enorme fenda de desigualdade que condena ao esquecemento a millóns de persoas. E para iso contou co apoio de 73.100 socios e colaboradores e o traballo dos 6.460 voluntarios que, desde todos os recunchos de España, fixeron posible que en 2022 Manos Unidas aprobase 488 novos proxectos de desenvolvemento que cambiaron, dunha ou outra maneira, a vida de máis de 1,7 millóns de persoas.

Ter unha nova mirada que se centre, con honestidade e xustiza, nas diferentes causas que impiden que millóns de persoas poidan vivir unha vida digna. Só desde o recoñecemento desta realidade teremos posibilidades de participar na súa transformación.

Aquí podes visitar a landing interactiva que che permitirá coñecer en detalle o traballo desenvolvido por Manos Unidas para erradicar a fame no mundo.

Descarga: Memoria 2022 (Galego)
Descarga: Memoria 2022 (Español)