Mons. Fernando García Cadiñanos: "Só podo darvos as grazas por tantas mostras de agarimo"

Desde Burgos, onde permanecerá uns días antes de regresar á diocese, monseñor Fernando García Cadiñanos quixo remitir unha mensaxe de agradecemento aos diocesanos de Mondoñedo-Ferrol por todas as mostras de agarimo recibidas tras o falecemento, o pasado venres 16, do seu pai.

O texto, publicado esta mañá a través do servizo diocesano de WhatsApp e dos perfís en redes sociais, di así:

Só podo darvos as grazas por tantas mostras de agarimo e proximidade que, ao longo destes días, puiden experimentar por parte de todo o Pobo de Deus, desta querida igrexa de Mondoñedo-Ferrol. Moitísimas grazas pola vosa presenza, as vosas oracións, o voso afecto. Un abrazo meu, da miña nai e de toda a miña familia. Con Santa Teresita de Lisieux, convídovos a dar grazas polo don dos pais “máis propios do ceo que da a terra” e que nos alentan na nosa vida e na nosa tarefa.