Nomeamentos diocesanos: Cóengos

O cabido catedralicio de cóengos é un colexio de sacerdotes ao que corresponde celebrar as funcións litúrxicas máis solemnes na igrexa catedral e cumprir aqueles oficios que o dereito ou o bispo diocesano lle encomenden.

Segundo o canon 509.2 do vixente Código de Dereito Canónico, o bispo debe conferir as coenxías a sacerdotes que, destacando pola súa doutrina e integridade, desempeñasen meritoriamente o seu ministerio.

Por iso, tendo en conta os artigos 9 e 12 dos estatutos do cabido da Santa Igrexa Catedral Basílica, oíndo o parecer favorable do Excmo. Cabido e tendo en conta as calidades que concorren no Rvdo. D. Juan José Novo Gabeiras, polas presentes noméolle como cóengo da Santa Igrexa Catedral Basílica de Mondoñedo durante munere, mentres sexa delegado episcopal de Patrimonio Artístico da diocese de Mondoñedo-Ferrol, con todas as facultades, dereitos e obrigacións inherentes ao devandito cargo, a teor do vixente Código de Dereito Canónico.

Mondoñedo, 1 de outubro de 2023

+ Fernando García Cadiñanos