Consitución do novo Consello Presbiteral. Convocatoria de eleccións

«En cada diocese debe constituírse o consello presbiteral, é dicir, un grupo de sacerdotes que sexa como o senado do bispo, en representación do presbiterio, cuxa misión é axudar ao bispo no goberno da diocese conforme á norma do dereito, para prover o máis posible ao ben pastoral da porción do pobo de Dios que se lle encomendou» (C.I.C., c. 495&1).

Tendo a reforma dos artigos 5 e 6 dos Estatutos do Consello Presbiteral Diocesano para adaptalos á nova realidade diocesana, PROCEDO A CONSTITUÍR DE NOVO O CONSELLO PRESBITERAL e, en consecuencia, polas presentes, CONVOCO ELECCIÓNS DOS PRESBÍTEROS QUE FORMARÁN PARTE DO NOVO CONSELLO PRESBITERAL, xuntamente cos membros natos e os de libre designación do bispo, no mes de novembro deste ano do Señor de 2023.

Encargo ao Ilmo. Sr. Vigairo Xeral, D. Antonio J. Valín Valdés, o establecemento dos lugares, horas e demais detalles en que se han de celebrar as devanditas eleccións, en conformidade sempre coas normas xerais do Código de Dereito Canónico e dos Estatutos do Consello Presbiteral vixentes na actualidade. O mesmo Vigairo Xeral será o presidente das mesas electorais.

A REUNIÓN E CONSTITUCIÓN DO NOVO CONSELLO PRESBITERAL celebrarase, D.m., o próximo 21 de decembro ás 10:30 horas da mañá, na sala do consello do palacio episcopal de Mondoñedo.

Dado en Mondoñedo, ao 12 de outubro de 2023

+ Fernando García Cadiñanos
Bispo de Mondoñedo-Ferrol

Por mandato de S. Excia. Rvdma.

Félix Villares Mouteira
Chanceler Secretario Xeral