Peregrinación - Visitación da Virxe María

Organizada pola delegación de Peregrinacións, Santuarios e Camiño de Santiago, e os arciprestados de Ferrol e Xuvia, terá lugar a peregrinación “Visitación da Virxe María”. Desenvolverase o próximo 31 de maio, mércores, con saída desde a capela da Virxe da “O”, en Pedroso, ata a igrexa parroquial de San Sadurniño.

O planning contempla un xesto de envío na capela da “O” ás 17:30 horas. A continuación, inicio da peregrinación ata a igrexa de San Sadurniño (dous quilómetros de distancia), con chegada ás 18:30 horas. No templo rezarase o Rosario segundo o subsidio litúrxico que inclúe as peticións polo Sínodo remitidas pola Conferencia Episcopal. O regreso está previsto para as 19:30 horas. Contará coa presenza e participación do bispo diocesano, monseñor Fernando García Cadiñanos.

Ás 17:00 horas sairá un autocar desde a parada de Correos de Ferrol (Praza de Galicia), con parada fronte ao Concello de Narón.

A inscrición poderá realizarse ata o 26 de maio a través das parroquias/UPA, chamando ao teléfono 639 903 393 ou a través do correo electrónico peregrinaciones@mondonedoferrol.org