Unha fin de semana para redescubrir o esencial da vida cristiá

• O movemento diocesanos de Cursillos de Cristiandade organiza unha nova edición aberta a todas as persoas interesadas
• A actividade desenvolverase do 3 ao 5 de xullo e as inscricións estarán abertas ata o 27 de xuño

O Seminario de Mondoñedo acollerá do venres 3 ao domingo 5 de xullo unha nova edición dos Cursillos de Cristiandade, unha proposta dirixida a todas aquelas persoas que desexen facer unha pausa no ritmo cotián e abrir un espazo de encontro persoal coa fe.

Durante tres días, os participantes poderán vivir unha experiencia de reflexión, convivencia e redescubrimento do esencial da vida cristiá. O cursillo propón un tempo para parar, escoitar e reencontrarse con Deus, desde unha vivencia comunitaria e próxima.

Esta iniciativa, promovida polo movemento diocesano de Cursillos de Cristiandade, ofrece a oportunidade de profundar no amor de Deus e de achegarse de maneira sinxela ao núcleo da mensaxe cristiá, nun ambiente acolledor e participativo.

As persoas interesadas poden formalizar a súa inscrición a través do formulario en liña habilitado pola organización:
https://docs.google.com/forms/d/e/1FAIpQLSfyyyMUyhbZ3SXWGf80-7hkY_QkVTY_1KFYo1JIJG7W_HBfUw

O prazo de inscrición permanecerá aberto ata o 27 de xuño.

[Portada: J. Reis]