Retiro do bispo cos profesores de Relixión

Máis de vinte e cinco profesores de Relixión da zona de Ferrol reuníronse este xoves na Domus Ecclesiae para participar nun retiro de reflexión e oración presidido e animado polo bispo da diocese, monseñor Fernando García Cadiñanos. A metade dos mesmos pertencían á escola pública mentres que o resto o era da escola concertada.

Durante as dúas horas que durou o encontro houbo un momento para a reflexión dirixida polo bispo, tempo de silencio persoal, momento de intercambio e diálogo e un espazo final para a oración ante o Santísimo.

Na súa intervención, García Cadiñanos tratou de axudar a profundar nalgunhas das claves do profesor de Relixión como axente da palabra, ensinante con autoridade e acompañante. A través dalgúns textos bíblicos tratou de animar aos docentes na tarefa e misión encomendada. A todos agradeceulles o seu compromiso e alentoulles na súa difícil tarefa.

O vindeiro xoves 16, a partir das 18:00 horas, repetirase este mesmo encontro para os profesores de Relixión da zona da Mariña, nesta ocasión na localidade de Foz.

Ambos retiros foron organizados pola delegación diocesana de Ensinanza.

Retiro profesorado de Relixión - Ferrol (2023)

1 de 8