"El Espejo" (10.03.2023): Día do Seminario + Protección de menores

Programa «El Espejo de Mondoñedo-Ferrol» do venres 10 de marzo de 2023. Magacine semanal de actualidade diocesana, dirixido e presentado por Baruk Domínguez a través de COPE Ferrol e COPE de la Costa-Ribadeo.

Entrevista: Juan Basoa, reitor do Seminario de Mondoñedo

Entrevista ao sacerdote diocesano Juan Basoa Rodríguez, reitor do Seminario diocesano de Mondoñedo, cun dobre motivo: por unha banda, a súa participación no IV Encontro de Oficinas de Protección de Menores, celebrado recentemente en Madrid; e en segundo lugar, pola celebración do Día do Seminario, o vindeiro domingo 19 de marzo, coincidindo coa festa de San Xosé. Coñeceremos algunhas das iniciativas que prepararon os nosos seminaristas para esta xornada vocacional.

Entrevista: Concha Quintela, responsable da Comisión PROTEGE

Entrevista á directora da comisión diocesana PROTEGE (atención e acompañamento a menores e persoas vulnerables), Concha Quintela, que recentemente participou en Madrid no IV Encontro de Oficinas de Protección de Menores, centrado en «Encontros entre vítimas e victimarios: unha relación posible?». Coñeceremos as súas impresións e analizaremos os proxectos que manexa a comisión para os próximos meses e que moi pronto se farán oficiais.

Para pensar: «O medo do león»

A sección «Para pensar» é unha reflexión semanal que prepara cada mes unha comunidade relixiosa da nosa diocese. Durante o mes de marzo acompañarannos as Hermanas Franciscanas de la Purísima, do Colexio do Pilar de Foz.

Horizontes desde Loiba

Co sacerdote Javier Martínez resumímosvos, dunha forma máis pausada, todo o que foi noticia durante a semana en Mondoñedo-Ferrol.

? Como levades a mañá? Seguro que desexando comezar a fin de semana, non si? Pois non desconectedes sen irvos ben informadiñxs

Ademáis das novas de actualidade, hoxe estarán con nós a directora da Comisión PROTEGE e o reitor do Seminario de #Mondoñedo

?? #ElEspejoMF ?? pic.twitter.com/gRrFne09Qk

— Diócesis de Mondoñedo-Ferrol (@mondonedoferrol) March 10, 2023