Amancio Moure: "Un diácono non é un substituto do sacerdote"

O pasado martes, os sacerdotes diocesanos tiveron un encontro sacerdotal no que trataron a figura do diaconado. Acompañoulles na súa reflexión Amancio Moure, diácono permanente que exerce o seu ministerio na diocese de Ourense. Está casado e traballa como profesor de Relixión. Achegámonos a el para coñecelo de preto e aproximarnos á figura do diácono permanente.

A figura do diácono pode resultar descoñecida para a maioría de nosa Iglesia. En poucas palabras, que é un diácono permanente?
É unha persoa que recibe o sacramento da orde, que se consagra a Deus para a tarefa do servizo. Esta persoa conságrase de forma permanente a Deus e a Igrexa dentro do grao dos diáconos. Este home pódeo facer de forma célibe ou estando casado, segundo os requisitos da Igrexa.

O diaconado permanente resolve a crise de vocacións para o sacerdocio que hoxe se vive na Igrexa?
O diaconado como institución non está chamada a ser unha solución para resolver a crise de vocacións sacerdotais. Un diácono ten un carisma e un ministerio diferente en esencia ao dun sacerdote. Por tanto, un diácono permanente non é nin debe entenderse como un substituto dun sacerdote. Son realidades e carismas complementarios, non sustitutivos.

Cales son as funcións fundamentais que realiza un diácono permanente?
O elemento crave para comprender as funcións que realiza un diácono é entender que representa na Igrexa a imaxe de Cristo servo. Brevemente pódese indicar que as funcións principais de diácono estarían ligadas á Palabra de Deus, a liturxia e a caridade. Así podemos indicar: “Corresponde aos diáconos, entre outras cousas, asistir ao bispo e aos presbíteros na celebración dos divinos misterios, sobre todo da eucaristía, e na distribución da mesma; asistir á celebración do matrimonio e bendicilo; proclamar o evanxeo e predicar; presidir as exequias; e entregarse aos diversos servizos da caridade” (Catecismo da Igrexa Católica, 1570).

Se o diaconado permanente é unha vocación, que significa iso?
O diaconado permanente como vocación significa que o Señor chama unha persoa para seguilo dunha maneira especial. É a chamada para consagrase a el e a comprometerse plenamente na Igrexa desde o servizo e a caridade. Implica un proceso de discernimento e formación.

Se alguén descobre que pode ter vocación de diácono permanente, que tería que facer?
Se unha persoa descobre que pode ter vocación ao diaconado permanente debería poñerse en contacto con confianza e naturalidade ou ben co seu párroco, ou ben coa vigairía para a Sinodalidade do bispado da diocese de Mondoñedo-Ferrol. Todo proceso vocacional necesita un discernimiento e un acompañamento espiritual axeitado.

🔴 #EstáPasando 📸 Nueva jornada de formación sacerdotal en #Mondoñedo, en esta ocasión centrada en el diaconado permanente

Nos acompañó el diácono permanente de la diócesis de #Ourense @ObispadoOurense, Amancio J. Moure Mariño pic.twitter.com/NFG0gftdTe

— Diócesis de Mondoñedo-Ferrol (@mondonedoferrol) March 21, 2023