A Conferencia Episcopal presenta a campaña Xtantos 2023 co lema “Por eles, por ti, por tantos”

A Conferencia Episcopal Española (CEE), a través do secretariado para o Sostemento da Iglesia, pon en marcha a campaña Xtantos 2023 co lema “Por eles, por ti, por tantos”, que anima a marcar a casa da Igrexa na declaración da renda.

O director deste secretariado, José María Albalad, presentou en rolda de prensa, este xoves 23 de marzo, aos protagonistas, os datos técnicos e as claves da campaña.

Aínda que a páxina web portantos.es está accesible desde hoxe, a campaña dará comezo o vindeiro luns, 27 de marzo, uns días antes de que os contribuíntes poidan presentar a súa renda (o prazo ábrese o 11 de abril). O peche da campaña si coincidirá co final do período habilitado pola Axencia Tributaria, o 30 de xuño, como último día para presentar a declaración da renda.

Detrás de cada ‘X’ hai unha historia, tantas como persoas -coas súas angustias, anhelos e ilusións- que necesitan apoio. A campaña Xtantos deste ano presenta cinco desas persoas que na Igrexa católica atoparon o apoio que necesitaban nun momento de desesperación e dificultade. Froito dese agradecemento, abren o seu corazón ao mundo e contan a súa historia.

Trátase de Ruth, Ángela, Halyna, José e o pai Ramón, que representan ás máis de catro millóns de persoas que a Iglesia axuda cada ano en España:

· Ruth saíu do inferno do maltrato grazas ao “empuxón” que recibiu das súas amigas da parroquia.

· Ángela ten síndrome de Down e séntese, por fin, independente desde que vive nun piso de acollida da Igrexa en Talavera de la Reina (Toledo).

· Halyna tivo que coller á súa filla e os seus dous netos para afastalos das bombas no seu país de orixe, Ucraína. A Igrexa proporcionoulles unha nova vida en España.

· José pasou polo cárcere, pola Lexión e terminou na construción, onde un accidente cambioulle a vida. Na parroquia danlle para comer e atopou unha familia e un lugar onde vivir.

· Ramón hoxe é sacerdote, pero viviu no mundo das drogas ata que aos 17 anos tentou suicidarse. A forza para cambiar deulla o novo sacerdote que estaba na súa parroquia.

Cada unha destas historias, que xa están accesibles na páxina web de portantos.es, preséntase cunha realización audiovisual que potencia o relato en primeira persoa. No desenvolvemento desta campaña, desenvolta co apoio da axencia TBWA, utilizáronse os códigos propios da linguaxe documental, que axudan a explicar a vida dos protagonistas da campaña sen artificios nin maquillaxes, como un baño de realidade.

Nos vídeos conflúe a tensión narrativa e o suspenso dramático que forma parte de cada historia, pero ao mesmo tempo ofrécese un canto de esperanza: cada peza ten unha resolución, xa que se evoca con claridade quen foi esa persoa no pasado e quen é hoxe, que obstáculos tivo e como os superou.

Datos técnicos da campaña

O plan de medios traballouse coa axencia Universal Media (IPG Mediabrands) e contempla un investimento de 2.777.594 euros, o que supón un 0,87% da cantidade recadada na campaña do ano anterior.

Durante o próximos tres meses, Xtantos terá unha presenza destacada con anuncios específicos en radio, en televisión e en formatos dixitais. Tamén en redes sociais e soportes relixiosos. Ademais, está prevista publicidade específica dirixida aos xestores e asesores fiscais co fin de chegar aos que fan a declaración da renda aos contribuíntes.

Durante a Semana Santa farase unha paréntese na publicidade enfocada aos medios e acentuarase en exterior, principalmente en circuítos de Renfe e nos aeroportos. Tamén haberá momentos nos que os rostros da campaña poderanse ver en mupis dixitais das principais capitais de provincias españolas.

Ademais, editouse o xornal Xtantos, impreso en papel medioambientalmente sostible, cunha tirada que roza o millón de exemplares. A metade vanse distribuír por todas as parroquias de España, xunto a 35.000 carteis, que se ofrecen en catro linguas. O resto, encártanse nos principais diarios nacionais. Nesta publicación preséntanse os cinco testemuños, xunto con entrevistas e reportaxes centradas no labor de ofrecen contidos de interese sobre a actividade e financiamento da Igrexa.

As claves da campaña

Marcar o ‘X’ da Igrexa é unha decisión libre que non prexudica a ninguén e non ten custo algún, porque nin che cobran máis nin che devolven menos. En exercicio de democracia fiscal. Pódense marcar simultaneamente as casas da Igrexa católica e doutros fins sociais.

É das poucas cousas que podemos decidir sobre os nosos impostos. É dicir, se a deixamos en branco é o Estado o que decide por nós sobre esa pequena cantidade. Convidamos a que non se deixen os recadros en branco.

E que cada ano pódese coñecer, a través da Memoria Anual de Actividades, en que emprega a Igrexa os seus recursos: para os non católicos ou non practicantes, marcar a casa supón tamén recoñecer o papel que a Iglesia ten na sociedade española.

✝️La Iglesia siempre tiende la mano a todas las personas. @Xtantos #XTantos2023 #SomosIglesia24siete

??Descubre los 5 rostros de este año en https://t.co/WJ2Ie07ydq pic.twitter.com/vhNS94tvCS

— Of. Información CEE (@prensaCEE) March 23, 2023