Encontro matrimonial: fin de semana para matrimonios e parellas

Ao longo deste curso, a delegación diocesana de Laicos, Familia e Vida desenvolveu multitude de propostas e momentos para acompañar, formar, animar e desenvolver máis plenamente a vocación cristiá e familiar, proporcionando moitos momentos de encontro.

Ao rematar este curso, achégannos unha nova proposta. Entre o 16 e o 18 de xuño no Seminario de Mondoñedo terá lugar unha fin de semana para matrimonios e parellas para aprender técnicas de comunicación, aprender a coordinar e desenvolver proxectos xuntos e, ao mesmo tempo, facer do matrimonio cristián unha realidade máis plena e chea de vida a luz da fe.

O Encontro Matrimonial é “un movemento católico formado por matrimonios, parellas, noivos, sacerdotes e consagrados/a. O seu obxectivo é axudar a que as relacións sexan positivas e enriquecedoras, mellorando a comunicación entre as persoas e potenciando, no caso dos matrimonios casados sacramentalmente, consagrados e sacerdotes, a súa vocación e espiritualidade”.

A actividade comezará o venres 16 ás 20:30 horas e finalizará o domingo 18 ás 18:00 horas. Non se desenvolverá ningún debate en público, nin ningunha dinámica na que haxa que expoñer cuestións persoais nin sobre a vida da parella. O ámbito de parella e persoal respéctanse totalmente.

Para inscribirse ou recibir máis información podemos facelo a través do teléfono 692 78 58 15 e na conta de email galicia@encuentromatrimonial.com, así como na páxina web www.encuentromatrimonial.com

Tríptico informativo

 

Ver esta publicación en Instagram

 

Una publicación compartida de Difusion Encuentro Matrimonial (@difusionencuentromatrimonial)