Igualdade e dignidade. A precariedade laboral escríbese en feminino

Manifesto da iniciativa Igrexa polo Traballo Decente para o Día Internacional da Muller de 2023 #8MIgualdadeEDignidade (pdf)

“As organizacións que formamos a iniciativa Igrexa polo Traballo Decente (ITD) denunciamos a situación de precariedade laboral que sofren miles de persoas e que hoxe día segue tendo maioritariamente rostro de muller”.

Reivindicamos un cambio na organización da sociedade onde o centro sexa a persoa e poida ter acceso a un traballo decente que supoña que mulleres e homes traballemos en igualdade, dignidade, liberdade e seguridade.

A ratificación do convenio e posterior aprobación da Real Decreto-lei 16/2022 que dá lugar a modificacións de distintas normativas relacionadas co traballo do fogar, supuxo un avance no recoñecemento de dereitos, sobre todo na histórica reivindicación do acceso á protección fronte ao desemprego. Pero quedáronse fóra outras reivindicacións que supoñerían unha verdadeira equiparación de dereitos laborais e de seguridade social, fundamentalmente todo o relativo ás condicións particulares que conleva o traballo que se desenvolve de maneira interna. Por iso, seguimos reivindicando que se produzan os avances necesarios para que definitivamente consigamos unha verdadeira equiparación de dereitos para estas traballadoras, así como o recoñecemento social deste traballo fundamental para a sustentabilidade da vida.

A brecha salarial persistente fai que as mulleres cobrasen de media un 18,7% menos que os homes en 2022 [1]. E ante esta inxustiza, denunciamos a desigualdade salarial que mantén ás mulleres en situación de inferioridade e esiximos que se corrixan as desigualdades existentes tanto a nivel salarial como das situacións que as orixinan.

A educación é un factor crave que determina en gran medida non só a empregabilidade da mocidade senón a súa actitude e as condicións de traballo [2]. No noso labor atopamos unha especial dificultade de acceso ao mercado laboral de mulleres novas; por iso, pedimos políticas de emprego vinculadas á educación para o emprego e dirixidas a reforzar as probabilidades de que as mozas atopen un emprego. A efectiva posta en funcionamento destas medidas terá a súa repercusión no declive demográfico, a porcentaxe de pobreza, a exclusión social e a diversidade en contexto laboral, e a emancipación xuvenil.

Ademais do laboral, o camiño cara á igualdade das mulleres atravesa outros espazos que inclúen á Igrexa. “As mulleres que somos Igrexa reclamamos desde hai anos o recoñecemento sobre o rol que desempeñamos, así como a igualdade e a dignidade das mulleres nos ambientes eclesiásticos e seguiremos reclamando ata que a igualdade se faga costume na Igrexa” [3]. Con especial motivo este ano, no que está a ter lugar a fase continental do Sínodo, e onde as dioceses españolas destacaron o papel da muller na Igrexa, a súa participación plena e en condicións de igualdade como unha das principais prioridades.

Desde o noso traballo e apoio constante cara á igualdade de mulleres e homes en todos os ámbitos da vida, unímonos ao constante chamamento do papa Francisco para poñer fin ás desigualdades das mulleres no mercado laboral, como a menor consideración dos riscos laborais nos traballos altamente feminizados e que traen problemas de saúde, e acabar coa brecha salarial, un “escándalo que os cristiáns deben rexeitar firmemente”, xunto coas consecuencias que todo iso carrexa. E que o traballo que as mulleres realizamos sexa socialmente recoñecido e goce das condicións laborais dun traballo decente.

Materiais oficias da xornada

ITD denuncia a situación de precariedade laboral que sofren miles de persoas e que hoxe en día segue tendo maioritariamente rostro de muller

Co lema “Igualdade e Dignidade – A precariedade laboral escríbese en feminino”, a iniciativa Igrexa polo Traballo Decente pide políticas de emprego activas e pasivas vinculadas á educación para o emprego e dirixidas a reforzar as probabilidades de que as mozas atopen un emprego.

A ratificación do convenio e posterior aprobación da Real Decreto-lei 16/2022 que dá lugar a modificacións de distintas normativas relacionadas co traballo do fogar, supuxo un avance no recoñecemento de dereitos, sobre todo na histórica reivindicación do acceso á protección fronte ao desemprego. Pero quedáronse fóra outras reivindicacións que supoñerían unha verdadeira equiparación de dereitos laborais e de seguridade social, fundamentalmente todo o relativo ás condicións particulares que conleva o traballo de interna.

No seu manifesto, “Igualdade e Dignidade – A precariedade laboral escríbese en feminino” feito público con motivo do Día Internacional da Muller, a Iniciativa Irexa por un Traballo Decente (ITD) reivindica un cambio na organización da sociedade onde o centro sexa a persoa e poida ter acceso a un traballo decente que supoña que mulleres e homes traballemos en igualdade, dignidade, liberdade e seguridade.

Por iso, séguese denunciando a desigualdade salarial que mantén ás mulleres en situación de inferioridade e desde ITD esíxese que se corrixan as desigualdades existentes tanto a nivel salarial como das situacións que as orixinan.

Fronte á situación dos mozos, ITD “atopa unha especial dificultade de acceso ao mercado laboral de mulleres novas”. Por iso, “pedimos políticas de emprego activas e pasivas vinculadas á educación para o emprego e dirixidas a reforzar as probabilidades de que as mozas atopen un emprego”.

Neste sentido, a iniciativa urxe a que o traballo que as mulleres realice sexa socialmente recoñecido e goce das condicións laborais dun traballo decente.

Ante todo isto, temos que situarnos noutra lóxica, habemos de afrontar a realidade do mundo obreiro e do traballo desde a fraternidade, da dignidade da persoa e o ben común. Situarnos na lóxica da defensa da dignidade do traballo e dun traballo con condicións dignas e saudables para as persoas que o realizan.”

Seguindo o lema “Igualdade e Dignidade – A precariedade laboral escríbese en feminino”, ITD únese ao constante chamamento do papa Francisco para poñer fin ás desigualdades das mulleres no mercado laboral, como a menor consideración dos riscos laborais nos traballos altamente feminizados e que traen problemas de saúde, e acabar coa brecha salarial, un “escándalo que os cristiáns deben rexeitar firmemente”, xunto coas consecuencias que todo iso carrexa, indica a iniciativa no seu manifesto.

A iniciativa Igrexa polo Traballo Decente (ITD) comezou a súa andaina en 2014 e está formada por organizacións de inspiración católica e congregacións relixiosas, entre as que se atopan Cáritas, a Conferencia Española de Relixiosos (CONFER), a Irmandade Obreira de Acción Católica (HOAC), Xustiza e Paz, a Mocidade Estudante Católica (JEC) e a Mocidade Obreira Cristiá (JOC). O seu obxectivo é sensibilizar, visibilizar e denunciar unha cuestión esencial para a vida de millóns de persoas: o traballo humano e reivindicar o traballo decente «cara ao interior destas organizacións, cara á Igrexa en xeral e cara á sociedade».

DATOS SOBRE A MULLER TRABALLADORA EN ESPAÑA

· A brecha salarial de xénero é de 4.721 euros ano. A muller cobra un 20,9% menos que os homes.

· As ocupacións que contan con maior salario medio están masculinizadas, mentres que as ocupacións con salarios baixos están feminizadas.

· Do total de persoas desempregadas 3.024.000, máis da metade son mulleres, 1.623.000.

· A taxa de emprego das mulleres diminúe a medida que teñen descendencia.

· O 75% da poboación asalariada en España a xornada parcial son mulleres.

· Hai 1.488.550 mulleres que xa non buscan emprego, para se encargan dos labores de coidado.

· En 2022, o 53% dos accidentes de traballo in itinere sufríronos mulleres.

***

[1] Enquisa Anual de Estrutura Salarial, publicada polo INE o pasado mes de xuño
[2] Cambios sociais e emprego da mocidade en España: unha mirada cara ao futuro. Estudo realizado polo INJUVE 2023
[3] Lema da Revolta de mulleres na Igrexa.