O Grupo Sacramental de Fieis de Ferrol impulsa unha campaña a favor da doazón de sangue

• A Axencia de Doazón de Órganos e Sangue instalará unha unidade móbil mañá sábado 31, de 10:00 a 15:00 horas, na Praza de Armas

O Grupo Sacramental de Fieis de Ferrol está a desenvolver estes días unha campaña especial destinada a fomentar e sensibilizar sobre o solidario xesto da doazón de sangue na cidade.

Ao longo das xornadas previas ao sábado 31 de xaneiro, data na que a Axencia de Doazón de Órganos e Sangue (ADOS) visitará Ferrol cunha unidade móbil, integrantes do Grupo distribuiron información e materiais divulgativos para animar á veciñanza a participar.

Mañá sábado, 31 de xaneiro, unha unidade móbil de ADOS instalarase na Praza de Armas de Ferrol en horario de 10:00 a 15:00 horas, ofrecendo a todas as persoas interesadas a posibilidade de realizar a súa doazón. A iniciativa quere facilitar o acceso á doazón e reforzar a importancia deste xesto altruísta que salva vidas cada día.

Desde ADOS quixeron agradecer ao Grupo Sacramental de Fieis de Ferrol a súa implicación e colaboración nesta campaña, que non só contribúe a obter doazóns, senón tamén a fortalecer a conciencia solidaria da sociedade galega. “Accións coma esta son fundamentais para garantir o sostemento do labor asistencial dos nosos hospitais”, sinalan desde a Axencia.

 

Ver esta publicación en Instagram

 

Una publicación compartida de Grupo Sacramental de Fieles de Ferrol (@sacramentaldeferrol)