Santiago acolle o Encontro de Pastoral Penal de Galicia

As delegacións de Pastoral Penal de Galicia realizarán o seu encontro anual o vindeiro sábado 11 de marzo en Santiago de Compostela. Ao encontro están convocados todos os voluntarios que participan nesta pastoral que trata de achegar a liberación e a misericordia ao ámbito dos cárceres, así como acompañar ás familias e propoñer á comunidade cristiá e á sociedade en xeral propostas de acollida e reinserción. Trátase do noveno encontro que organizan.

Nesta ocasión centraranse no tema “Outro cumprimento de pena é posible“, ao fío do Congreso Nacional de Pastoral Penal que, a nivel nacional, celebrouse en Madrid o pasado mes de novembro.

A Pastoral Penal da Conferencia Episcopal Española está acompañada polo noso bispo diocesano, monseñor Fernando García Cadiñanos.

Os interesados en participar neste encontro ou aquelas persoas máis sensibles á realidade do cárcere que desexen participar, pódeno facer a través dos contactos oficiais das delegacións.

10 e 11 de marzo, Xornadas de Pastoral Penal para axudar a normalizar a vida en liberdade

“Como normalizar a miña vida en liberdade” é o tema que vai centrar este ano as xornadas da área social de Pastoral Penal. O encontro terá lugar en Madrid o 10 e 11 de marzo.

Despois dos saúdos iniciais e a presentación das xornadas, ao redor das 17.00 horas, dará comezo o primeiro relatorio. A traballadora social do centro penal de Estremera, en Madrid, Laura Andrés Martínez, explicará como normalizar a vida en liberdade a través do legal.

Para esa mesma tarde organizouse unha mesa redonda na que se vai a dialogar sobre as dificultades para normalizar a vida das persoas que saen en liberdade. Van intervir, Gemma Pérez Torres, da fundación Social Hijas de la Caridad; Mariano Valera, concelleiro de Igualdade, Dereitos Sociais, e Inclusión no concello Elxe; e Sonia Barreda, delegada de Pastoral Penal de Segorbe-Castellón. Tamén se programou un tempo para as reunións por grupos e a posta en común.

Para o sábado 11 de marzo exporase un interrogante: E despois do cárcere, que? A profesora da Universidade Rey Juan Carlos, María Marta Albert Márquez, dará unha resposta desde a reflexión. Despois, un home e unha muller xa en liberdade tamén darán a súa resposta, pero desde o seu testemuño de vida.

Antes do peche das xornadas informarase sobre o estado actual da Pastoral Penal en España e sobre as tres áreas de traballo: relixiosa, social e xurídica.

Fotografía: M. Ansley

? Xa coñecemos a convocatoria da 9º Encontro Interdiocesano da #PastoralPenitenciaria de #Galicia!

Será o vindeiro 11 de marzo en #Santiago@DioceseSantiago @dtuivigo @DioceseLugo @ObispadoOurense @PastoralSocial9 https://t.co/u0Bp5uDhbD pic.twitter.com/L6ykHaZPnK

— Diócesis de Mondoñedo-Ferrol (@mondonedoferrol) February 15, 2023