O Camiño de Santiago na dioceseEl Camino de Santiago en la diócesis

Saúdo do bispo diocesano aos peregrinos

Recibe un saúdo cordial de benvida por parte da comunidade cristiá que camiña en Mondoñedo-Ferrol:

Felicitacións porque decidiches facer un itinerario magnífico: o Camiño Inglés/Camiño do Norte correspondente aos Camiños de Santiago. Trátase dun camiño que te vai levar a unha meta: visitar a tumba do apóstolo Santiago, o amigo de Xesús, para pedirlle a súa protección e compartir con el as esperanzas da vida. Visitarás igrexas, pobos, lugares marabillosos… Atoparaste con xentes que che acollerán, que compartirán contigo a súa vida, a súa fe e o seu pasado…

Pero o peregrinar non é só unha viaxe exterior: trátase tamén dunha viaxe interior. Ti mesmo estás convidado a cambiar, a saír, a alcanzar novas metas e soños. Na peregrinaxe tamén un se transforma en contacto co silencio, coa natureza, cos irmáns, con Deus. Xesús, o peregrino de Emaús, farase o encontradizo contigo: oxalá lle saibas recoñecer, acoller e compartir con el a túa vida. Dese xeito, volverás a casa transformado, renovado, rexuvenecido, cargado de ilusión, esperanza e fe.

Bo camiño, irmán! Ultreia!

O voso irmán e amigo,

+ Fernando, bispo de Mondoñedo-Ferrol

Saudo en varios idiomas: BENVIDA – WELCOME – ACCUEILLIR – WILLKOMMEN


Información de contacto

D. José María Pérez Martínez
peregrinaciones@mondonedoferrol.org
Miramar, s/n, 15401, Ferrol (A Coruña)
Delegación de Peregrinacións, relixiosade popular, santuarios e Camiño de Santiago


Mapa dos Camiños de Santiago en Mondoñedo-Ferrol


Camiño Inglés

Dos chamados países escandinavos, como Noruega, Suecia, Dinamarca, Finlandia ou Islandia e, sobre todo, ingleses, escoceses, irlandeses e flamencos, contribuíron a fixar o que hoxe coñecemos como o Camiño Inglés. Chegaban a Galicia por mar desde os seus respectivos portos, e arribaban a Ferrol ou A Coruña —e tamén a Viveiro ou Ribadeo, no litoral lucense—.

A estratéxica localización dos portos desas dúas importantes cidades galegas potenciou de maneira evidente o roteiro. Dentro da nosa diocese, o Camiño Inglés parte da cidade de Ferrol e discorre a través de 112,5 quilómetros cheos de atractivos e historia.

Cartaz informativo: O Camiño Inglés en Mondoñedo-Ferrol (PDF)

Aquí atoparás información sobre a apertura das diversas igrexas e os horarios das celebracións en cada unha delas:

1 – FERROL – Igrexa da Nosa Señora del Socorro Eucaristía:
Sábados e vésperas de festivo: 19:00 h.
Domingos e festivos: 11:30 h.
2 – FERROL – Concatedral de San Xiao Eucaristía:
Laborables: 11:00 h. e 19:00 h.
Sábados e vésperas de festivo: 11:00 e 13:00 h.
Domingos e festivos: 11:00 e 13:00 h.
Apertura do templo: de 10:00 a 13:00 h. e de 17:00 a 19:30 h. (excepto sábados e vésperas de festivo)
3 – FERROL – Santuario da Nosa Señora das Angustias Eucaristía:
De luns a sábado: 09:00 e 12:00 h.
Domingos e festivos: 09:00 y 13:00 h.
Bendición de peregrinos: Despois de cada eucaristía
Apertura do templo: de 08:30 a 12:30 h. e de 17:00 a 18:30 h. (a diario)
4 – FERROL – Capela de Santa María de Caranza Eucaristía:
Os xoves do mes de maio: 20:00 h.
Festa, o domingo seguinte ao 15 de agosto
5 – NARÓN – Igrexa de Santa Rita de Xuvia Eucaristía:
Luns, xoves e sábado: 18:30 h.
Domingos e festivos: 12:30 h.
Apertura da igrexa: Media hora antes de cada eucaristía
Bendición de peregrinos: Sempre que se solicite. Sélanse credenciais con código QR
6 – NEDA – Igrexa de Santa María Eucaristía:
Sábado: 18:30 h. (inverno) e 19:00 h. (verano).
Domingos e festivos: 12:30 h.
7 – NEDA – Igrexa de San Nicolás Eucaristía:
Luns: 19:00 h. (inverno) e 20:00 h. (verán).
Domingos e festivos: 11:30 h.
Bendición de peregrinos: Despois de cada eucaristía
Apertura do templo: Todos os luns de 09:00 a 21:00 h.
8 – NARÓN – Mosteiro e igrexa de San Martiño de Xuvia (O Couto) Apertura: Sábados e domingos de 11:00 a 13:00 h.


Camiño Norte

Tras o Camiño Primitivo, este roteiro, que transita pola costa asturiana e entra en Galicia pola ría de Ribadeo, alcanzou relevancia na baixa Idade Media. Despois de Castropol —última localidade de Asturias — o Camiño entra en Galicia cruzando o mar Cantábrico a través da fermosa ría de Ribadeo. Desde aquí ata a catedral de Santiago distan 189 quilómetros.

En 2015, o Camiño do Norte foi recoñecido pola UNESCO, xunto co Camiño Primitivo, como Patrimonio da Humanidade, o máximo recoñecemento que pode recibir un ben cultural.

[Más información sobre as igrexas e celebracións proximamente]


Documentos para descargar

Guía práctica do Camiño Inglés PDF / 4310 KB
Guía práctica do Camiño do Norte PDF / 4690 KB
Guía de consellos do Camiño de Santiago PDF / 801 KB