Facebook Instagram TikTok Twitter

Para orar cada día

2ª Semana del Tiempo de Pascua
Domingo 12 de abril de 2026. Domingo de la Divina Misericordia
Comentarios preparados por el sacerdote diocesano Xaquín Campo

«Tes fe porque me viches? Benia os que creron sen veren!»

Juan 20, 19-31

Naquel día, o primeiro da semana, ao serán, estando pechadas as portas onde estaban os discípulos, por medo dos xudeus, chegou Xesús, e, poñéndose no medio, díxolles: “A paz convosco!”. Dito isto, mostroulles as mans e mais o costado. Os discípulos alegráronse, vendo o Señor. El díxolles outra vez: “A paz convosco!: como o Pai me mandou a min, tamén eu vos mando a vós”. E dito isto alentou sobre eles, e díxolles: “Recibide o Espírito Santo: a quen lles perdoedes os pecados, quedaranlles perdoados; a quen llelos reteñades, quedaranlles retidos”.

Pero Tomé, un dos Doce, o chamado Xemelgo, non estaba con eles cando chegou Xesús. Dicíanlle entón os outros discípulos: “Vimos o Señor”. Pero el contestoulles: “Como non vexa nas súas mans as furas dos cravos e non meta nelas o meu dedo; como non meta a miña man no seu costado, non crerei”.

Oito días despois estaban outra vez dentro os discípulos, e Tomé con eles. Chegou Xesús, estando pechadas as portas, e poñéndose no medio, dixo: “A paz convosco!”. Despois díxolle a Tomé: “Trae aquí o teu dedo e mira as miñas mans; trae a túa man e métea no meu costado, e non sexas incrédulo, senón home de fe”. Tomé respondeulle: “Meu Señor e meu Deus!”. Xesús díxolle: “Tes fe porque me viches? Benia os que creron sen veren!”.

Moitos outros signos fixo Xesús diante dos seus discípulos, que non se escribiron neste libro. Estes escribíronse para que creades que Xesús é o Mesías, o Fillo de Deus e, crendo, teñades vida nel.


Comentario

A PAZ CONVOSCO! (Analicemos o texto):

Fáltalles Xesús. (Os discípulos refúxianse nunha casa).
Aterrados pola execución de Xesús, (Na comunidade hai un baleiro que ninguén pode encher).
Ao anoitecer: (As forzas da noite: “morte, maldade, soidade”. Os enfermos (in-firmus: sen firmeza) témenlle á noite).
Daquel día: (Sábado-domingo: Día do Señor. Día de Deus).
O primeiro da semana: (Cando todo debía empezar, coma o primeiro día da creación).
Estaban os discípulos nunha casa: (En familia? Debera ser para gozo, seguridade, confianza).
Coas portas ben pechadas: (Seguridade, refuxio, por que estar preocupados?).
“POR MEDO AOS XUDEUS” (Aquí a clave: Medos! Pánico!).
A QUEN SEGUIRÁN AGORA? Todo era noite e sen esperanza.

A resurrección: acontecemento estritamente sobrenatural.
PACIFICÁDEVOS! NON TEÑADES MEDO! SON EU! Todo cambia. PAZ! PAZ! PAZ!

ASÍ VOS ENVÍO! Recibide o Espírito Santo: O protagonista. O encontro máis importante: a primeira experiencia da igrexa. Unha realidade vivente e operante desde o inicio. Orixe dunha nova humanidade e nova creación. Remoción da morte. E do pecado: chaves: Atar desatar. Non excluír: perdoar. A Paz é unha tarefa a construírmos a cotío empezando por un mesmo, desde o fondo das conciencias persoais e comunitarias, con xustiza, fe, confianza e amor. E perdón!


Para reflexionar

· VER: “Está anoitecendo en Xerusalén” e tamén no seu corazón O medo vaise apoderando de todos paseniñamente. Ninguén os pode consolar da súa tristeza. «PECHAR AS PORTAS!». Iso é o único que lles dá certa seguridade.

· XULGAR: A partida de Xesús é paz. Xesús deixa paz: Douvos a “miña” paz. Para os semitas, a paz é moito máis do que un saúdo: saúdo e despedida. Pero é por amor

· ACTUAR: Xesús deixa paz: Entrega a vida. E dá vida: a “miña” paz. Vence ao maligno. Hoxe tamén anoitece no corazón do mundo! O Papa convoca hoxe unha grande xornada pola paz no mundo. A paz: Amor do Pai e amor ao Pai: A partida de Xesús é paz. Non son merecentes. E crea unha nova situación. DOUVOS A MIÑA PAZ! É unha tarefa comunitaria e universal! Ide!


Oración

Tomás esixe probas. É un modelo de incredulidade. Pero tamén é un modelo de fe auténtica e confesión crente: MEU SEÑOR E MEU DEUS! Amén. Sancta Maria, REGINA PACIS, Alleluia! Regina coeli, Allelulia!. “Ora pro nobis Deum, Alleluia! Amén. Alleluia! Alleluia! Alleluia!