Para orar cada día
33ª Semana del Tiempo Ordinario
Viernes 20 de noviembre de 2026. Festividad de Santo Domingo de Silos
Comentarios preparados por Óscar Fernández, sacerdote diocesano
«A miña casa ha ser casa de oración»
Lucas 19, 45-48
Despois entrou no templo, e empezou a botar fóra os tendeiros, dicíndolles: “Está escrito: A miña casa ha ser casa de oración; pero vós convertéstela en cova de bandidos”. Ensinaba todos os días no templo. Daquela xa os sumos sacerdotes, os letrados e mais os notables do pobo buscaban o xeito de acabaren con el. Pero non atopaban como, porque todo o pobo estaba moi atento ao que el dicía.
Comentario
Xesús, ao entrar en Xerusalén, como os xudeus piadosos, sube cara o templo, seguramente despois de facer os distintos ritos que facían os peregrinos, que subían desde a piscina de Silóe e ían de camiño uns con outros, preparando os sacrificios que ían facer. A escena de Xesús no templo a veces é malinterpretada, chegando a ver nel un revolucionario, incluso violento. Xesús, máis ben, recorda ao profeta Xeremías, que no seu tempo, tamén profetizara contra o templo, no que se cometía idolatría, expresión relixiosa da inxustiza social. De feito, el mesmo cita a este profeta, cando acusa aos seus coidadores de telo convertido nunha “cova de ladróns”. O templo para Xesús era moi querido, pois o vía como a “casa do seu Pai”. A chamada purificación no templo busca curiosamente devolver ao templo o seu valor como lugar de encontro co Pai. Ese mesmo sitio, na parte permitida para estar os non sacerdotes, era por onde Xesús ensinaba durante todos os días da súa estancia en Xerusalén e onde terán lugar algunhas das súas controversias.
Para reflexionar
O templo de Xerusalén xa non existe nin se ofrecen sacrificios de animais, pero a veces incluso no mundo cristián facemos da relixión un comercio ou un negocio. Eu vivo a miña fe en plan mercantilista con Deus? Como estou nos lugares especialmente dedicados a atoparme con El? Son capaz de manter o silencio e o decoro, sobre todo cando estou diante do sagrario? Cal é a miña ofrenda?
Oración
Señor, recoñecemos que estás no medio de nós, e queremos ofrecerche as nosas vidas, como sacrificio vivo, santo, agradable a ti, como un culto razoable e espiritual (cf. Rm 12), coas nosas alegrías, tristezas, traballos e oracións de cada día, e sermos tamén nós templos da túa presenza. Que cando te recibimos na Sagrada Comuñón, a nosa casa interior sexa un templo puro para ti.








Nacido en Ferrol el 21 de abril de 1983. Realiza los estudios posobligatorios, hasta COU, en el Colegio Tirso de Molina de los PP. Mercedarios en Ferrol.
Nacida en Ferrol (A Coruña) el 24 de mayo de 1972.




















