Para orar cada día
33ª Semana del Tiempo Ordinario
Jueves 19 de noviembre de 2026. Festividad de San Fausto
Comentarios preparados por Óscar Fernández, sacerdote diocesano
«Non che deixarán pedra sobre pedra»
Lucas 19, 41-44
E ao enxergaren a cidade [de Xerusalén, Xesús], chorou sobre ela dicindo: “Ai, se ti tamén coñeceses neste día o que che podía traer paz! Pero os teus ollos non o dan visto. E virán días nos que os teus inimigos te rodearán de trincheiras; asediarante, e apertarante por todas partes. Esnaquizarante contra o chan a ti e mais os teus fillos. Non che deixarán pedra sobre pedra, por non recoñecer a oportunidade de cando te visitaron”.
Comentario
O camiño a Xerusalén pode ser gozoso, e así o sentían os peregrinos que subindo á cidade santa para as grandes festas entoaban o salmo 121: “Moito me alegrei cando me dixeron: imos ir á casa do Señor”. Pero para Xesús esa chegada para a pascua vai ser tráxica en certo sentido. El é consciente de que lle chegará a morte violenta, aínda que esa producirá como un novo big bang que cambiará o mundo. Con todo, Xesús non pode evitar chorar, no monte das oliveiras, por esa preciosa cidade, porque – a diferenza do cego – non soubo ver a salvación ofrecida, e se encerrou nos seus propios criterios. Os habitantes de Xerusalén, polo menos parte deles, non só foron cegos para acoller a Xesús e inxustos ao pedir a súa morte. Levaraos a que na seguinte xeración a propia cidade sexa destruída, algo que se podería ter evitado.
Para reflexionar
Xesús chora a falta de visión, unida á falta de nobreza da xente de Xerusalén. E nós choramos polas inxustizas deste mundo?
Nós somos capaces de discernir os signos dos tempos e por onde nos está mandando Deus a salvación?
Somos capaces de ver cando “nos ven Deus a ver”? Ou fáltanos a humildade para recoñecelo?
Oración
Señor, que saibamos recoñecer o tempo das túas visitas e recoñecerte a ti.








Nacido en Ferrol el 21 de abril de 1983. Realiza los estudios posobligatorios, hasta COU, en el Colegio Tirso de Molina de los PP. Mercedarios en Ferrol.
Nacida en Ferrol (A Coruña) el 24 de mayo de 1972.




















